مستشعر المسافات HC-SR04 Ultrasonic sensor

ازاي مستشعر المسافات HC-SR04 بيشتغل؟

المستشعر ده بيستخدم الأشعة فوق الصوتية عشان يحدد بُعد الأجسام عنه، نفس النظرية اللي بيستخدمها الخفاش عشان يتعرف عالبيئة المحيطة بيه.

المستشعر ده بيحس بالحاجات على مسافة ٤ متر تقريبًا، وده رقم كويس جدًا عشان نستخدمه في الروبوت.

من أهم مميزاته إنه بيستهلك طاقة قليلة، فبالتالي نقدر نشغله بالبطارية، وكمان سعره قليل وسهل توصيله بالـArduino.

وحاجة كمان إنه ممكن تركبه كأنه عينين للروبوت بتاعك، فهيبقى شكله حلو 😄

ايه هي الأشعة فوق الصوتية؟

هي ببساطة موجة ليها تردد عالي، أعلى من النطاق السمعي للإنسان.

الإنسان بيقدر يسمع موجات الصوت من تردد ٢٠ هرتز لحد ٢٠ كيلوهرتز، لكن الموجات فوق الصوتية بتكون أعلى من كده، وبالتالي مش بنسمعها.

مكونات HC-SR04

المستشعر بيتكون من محولين للأشعة فوق صوتية (شبه سماعتين). أي عنصر بيحوّل الطاقة من شكل للتاني بنسميه transducer.

واحد بيشتغل كمُرسل والتاني كمُستقبل. المُرسل بيحوّل الكهرباء لموجة فوق صوتية بتردد ٤٠ كيلوهرتز، والمستقبل يستنى لحد ما الموجة ترجع.

لما الإشارة ترجع، المستقبل يبعت إشارة للـArduino عشان يحسب المسافة.

الخصائص الكاملة للمستشعر:

Operating Voltage: DC 5V
Operating Current: 15mA
Operating Frequency: 40KHz
Max Range: 4m
Min Range: 2cm
Ranging Accuracy: 3mm
Measuring Angle: 15 degree
Trigger Input Signal: 10µS TTL pulse
Dimension: 45 × 20 × 15mm

الـPinout للمستشعر

كلمة pinout بتشير لوظيفة كل رجل في الـmodule.

• VCC: توصيل 5V من الـArduino
• Trig: تشغيل الموجات فوق الصوتية
• Echo: بيطلع إشارة حسب زمن رجوع الموجة
• GND: الأرضي (لازم يكون مشترك)

الكود

#define echoPin 2
#define trigPin 3

long duration;
int distance;

void setup() {
  pinMode(trigPin, OUTPUT);
  pinMode(echoPin, INPUT);
  Serial.begin(9600);
}

void loop() {
  digitalWrite(trigPin, LOW);
  delayMicroseconds(2);

  digitalWrite(trigPin, HIGH);
  delayMicroseconds(10);
  digitalWrite(trigPin, LOW);

  duration = pulseIn(echoPin, HIGH);
  distance = duration * 0.034 / 2;

  Serial.print("Distance: ");
  Serial.print(distance);
  Serial.println(" cm");
}
  

وكده يبقى وصلنا لنهاية الشرح، انتظرونا في مقالات تانية من إلكترون ⚡