مكونات دوائر تكبير الصوت amplifiers
تكبير الصوت هو عملية زيادة سعة الإشارة الصوتية الكهربية ( amplitude ) بحيث تقدر تشغّل حمل زي السماعة (السبيكر) من غير ما يحصل تشويه أو فقدان في جودة الصوت. في الأنظمة العملية — سواء في أنظمة الصوت المنزلية، مكبرات الآلات الموسيقية، معدات الاستوديو، أو السماعات العادية — الـ amplifier مش عبارة عن دائرة واحدة بس، دا سلسلة من المراحل المتصممة بعناية، وكل مرحلة ليها وظيفة محددة علشان تحافظ على نقاء الإشارة مع زيادة قدرتها. أول مرحلة هي مرحلة الإدخال ( Input Stage )، ودي بتستقبل الإشارة الضعيفة اللي جاية من مصدر زي الميكروفون، الجيتار أو كارت الصوت. في النقطة دي الإشارة بتكون صغيرة جدًا — ممكن تبقى كام مللي فولت في حالة الميكروفونات. وظيفة المرحلة دي إنها تعمل توافق في المقاومة ( Impedance Matching ) علشان تمنع فقدان الإشارة أو تحميل المصدر بشكل زائد. يعني لو مقاومة الخرج بتاعة الميكروفون ٥٠ اوم، المفروض مقاومة الدخل عندنا تبقا ٥٠ اوم. دا اسمه توافق المقاومة. لأن المقاومة لما بتختلف الاشارة وهي داخلة بينعكس جزء منها تاني فنلاقي الاشارة ضعفت وهي داخلة، ودي ح...
